Unha familia de Ribeira en corentena por coronavirus por orde do xuíz
O xulgado do contencioso-administrativo número 2 de Santiago de Compostela emitiu este martes un auto no que ratifica a medida adoptada pola Consellería de Sanidade e acorda o illamento e a corentena obrigatoria dun núcleo familiar formado por unha parella e a súa filla menor de idade, infectados pola COVID-19.
A Xunta di que o rebrote do Barbanza está desactivado, pero non queda claro entón porqué hoxe a Xustiza aproba o illamento de tres persoas de Ribeira
Edificio xudicial de Compostela
RISCO PARA Os DEMAIS
O pasado luns, 6 de xullo, Sanidade tomou a decisión, agora avalada polo xulgado, de que esta familia estea confinada en Ribeira ata que deixen de representar un risco para a saúde pública.Segundo explica o Tribunal Superior de Xustiza de Galicia, a prolongación desta medida dependerá do ditame do Servizo de Medicina Preventiva do Hospital Clínico Universitario de Santiago de Compostela.
O maxistrado destaca que a autoridade sanitaria ha tomado unha decisión que ten "suficiente amparo legal" e que está dirixida a un fin "constitucionalmente lexítimo" como é "a defensa da saúde pública, a integridade física e a saúde da poboación en xeral".
No auto, o xuíz indica que a resolución adoptada pola Xunta está "debidamente xustificada, respectando o principio de proporcionalidade que resulta da doutrina do Tribunal Constitucional". Ademais, resalta que é "adecuada", pois sostén que "non consta a posibilidade dunha medida menos gravosa ou lesiva para a consecución do obxectivo proposto".
ESTÁ DESACTIVADO O BROTE DO Barbanza?
Hai dúas semanas detectouse no Barbanza o primeiro brote en Galicia tras o estado de alarma, o cal chegou a ter ata nove positivos por coronavirus --oito casos en Ribeira e un na Pobra do Caramiñal--, aínda que leste mesmo martes o presidente da Xunta, Alberto Núñez Feijóo, deuno por "desactivado".
Escribe o teu comentario