Pontón acusa a Feijóo de pensar só nos votos e volve pedir a suspensión das eleccións na Mariña

A lider nacioalista e candidata á Xunta polo Bloque Nacionalista Galego, Ana Pontón, reiterou unha vez máis a súa proposta de suspender as eleccións na Mariña lucense, xa que entende que é a medida "máis sensata".

Nese sentido, censura a "irresponsabilidade" do presidente da Xunta por antepoñer intereses partidistas á saúde das persoas da comarca confinada: Non se pode confiar en alguén que dá a espantada por resposta cando hai problemas. Demostrou que non está á altura do país"

A portavoz nacional do BNG e candidata á presidencia da Xunta de Galicia, Ana Pontón, tachou de "irresponsable" ao presidente do goberno galego e aspirante á reelección, Alberto Núñez Feijóo, por pretender "minimizar" o impacto do rebrote de coronavirus na comarca da Mariña, e actuar "por cálculos electoralistas", antepoñendo interéselos partidistas á saúde das persoas.

Así o trasladou a candidata nacionalista durante a súa intervención nun acto en Vigo, no que quixo responder as palabras de Feijóo, acusando de "irresponsables" aos partidos que pediron suspender os comicios autonómicos do 12 de xullo nesa comarca, que se atopa confinada.

"O irresponsable é que o candidato queira minimizar o impacto do rebrote e da pandemia, que actúe por cálculos electoralistas e sen transparencia", proclamou Ana Pontón, quen denunciou que Feijóo está a facer "o que mellor se lle dá", que é "practicar o escapismo e non asumir as súas responsabilidades".

A ese respecto, a líder do BNG lembrou que, durante a pandemia, Feijóo "botou balóns fose mirando a Madrid" e, agora que o goberno galego ten a responsabilidade, sinala como responsables aos concellos, "cando as competencia de Sanidade son da Xunta de Galicia". "Non se pode confiar en alguén que dá a espantada por resposta cando hai problemas. Demostrou que non está á altura do país", advertiu.

SUSPENSIÓN DE ELECCIÓNS

Con respecto á suspensión dos comicios na Mariña, Ana Pontón sinalou que, lamentablemente, os contagios nesa comarca "van a máis" e "lou sensato é poder suspender as eleccións, porque non se pode poñer aos veciños no dilema de escoller entre o dereito á saúde e o dereito ao voto".

Así, tras apuntar que "ninguén se explica" por que se decretou un confinamento de "só cinco días" para esa comarca, nunha decisión que "quizá se tomou tarde", recalcou que "a saúde ten que estar por encima de cálculos electoralistas". "A Xunta ten que actuar con transparencia e non eludir a súa responsabilidade, cargando sobre os alcaldes o frear o rebrote", engadiu.

Para Ana Pontón, deben suspenderse os comicios "por un principio de precaución" e que, unha vez controlado o rebrote, os 70.000 veciños afectados "poidan votar con normalidade".