O rebrote de coronavirus na Mariña está desbocado, con 30 casos máis hoxe
Son 30 novos os casos, o maior salto desde que xurdiu o rebrote en Xove.Nos hospitais xa hai cinco pacientes.
"O brote da Mariña está localizado e controlado" dixo onte o presidente da Xunta. As cifras de hoxe desménteno. Son 30 novos os casos, o maior salto desde que xurdiu o rebrote en Xove.
Nos hospitais xa hai cinco pacientes. Son dous máis que onte. Os novos ingresos son todos no Hospital de Burela, onde hai catro contaxiados con COVID-19.
Ademais, segue habendo unha persoa ingresada no HULA da capital. O Hospital de Monfote aínda non ten casos. Afortunadamente, non hai ninguén na UCI.
O NÚMERO DE CASOS HASE SEXTUPLICADO EN 10 DÍAS
O 24 de xuño había na provincia 17 casos activos. Hoxe hai 100 máis, 117. O máis preocupante é que o rebrote está a acelerar. En ningunha das xornadas anteriores habían aparecido máis de 13 casos ata este sábado, cando saltaron 26, superados por o deste domingo, que de súpeto son 30 máis. Son 56 novos casos en só dous días.
Todos os partidos políticos, salvo o PPdeG xa suspenderon os actos de campaña na Mariña. Un deles, Marea Galeguista, mesmo pediu o aprazamento das eleccións alí.
A nivel de control da mobilidade, o único que aplicou a Xunta é prohibir a reapertura de bares nocturnos, discotecas e verbenas.
Escribe o teu comentario