La Torre de Hércules reabrirá as súas portas ao público esta fin de semana despois de meses clausurada

La Torre de Hércules reabrirá as súas portas este sábado tras o estado de alarma, co seu horario habitual de verán, de 10.00 a 21.00horas, segundo informa o Consistorio.

Para reabrir o faro romano implantáronse "medidas estritas de seguridade sanitarias". Tamén se revisou o plan de auto-protección da Torre de Hércules "para protexer tanto o persoal traballador do monumento como as persoas visitantes".

Todos os empregados do faro, Patrimonio Mundial da Humanidade, así como da Oficina de Turismo e as empresas auxiliar, recibiron formación específica sobre os novos protocolos. Con estas medidas, extremaranse as precaucións tanto na compra de entradascomo na entrada á Torre de Hércules.

Ao momento de venda de entradas só poderá acceder unha persoa por grupo e limitarase a presenza de visitantes no seu interior. Todas as normas explicaranse a través de carteis informativos e nos folletos, que xa non se darán fisicamente, pero que se poderán descargar nos teléfonos móbiles mediante códigos QR. Tamén se deberá posta a máscara, excepto as persoas que estean exentas de usalas.

Todos os grupos irán acompañados por un guía e só poderán acceder ao faro 15 persoas á vez e por hora, xa que a visita terá un máximo de duración de 45 minutos e o cuarto de hora restante servirá para acondicionar os puntos que teñan máis risco de contacto para as seguintes quendas.