Galicia rexistra unha xornada de descenso de casos activos tres días despois, a pesar de que a área de Lugo segue á alza

|

Os datos do Servizo Galego de Saúde son, por primeira vez en tres días, positivos para o conxunto das áreas galegas: hoxe hai un caso activo menos na comunidade desde onte.


A pesar da leve melloría e que ata catro áreas ofrecen descensos no seu número de casos activos, a situación segue preocupando na área de Lugo, que hoxe suma tres novos casos en 24 horas. A situación na zona da Mariña segue preocupando e moito ás autoridades sanitarias, que parecen incapaces de cauterizar a ferida.




Hoxe son 52 os casos activos na área lucense, unhas cifras que fan retroceder a toda a área a algarismos que manexaba no mes de maio. Aínda nesta situación, os alcaldes da zona comprometida han feito un chamamento á calma, afirmando que o se atopa "perimetrado, máis ou menos controlado" e poñendo en valor a actitude dos veciños confinados. O número de casos novos que deixa o brote é de 33 afectados. 


Aínda que as administracións cren telo controlado, o crecemento constante do brote desde hai unha semana obrigou á Xunta a prohibir as verbenas e a reapertura dos locais de lecer nocturno. Isto supón a primeira medida de retardación aplicada pola Xunta para regresar á nova normalidade desde que recuperou as súas competencias en materia sanitaria. 


En cambio, e en contraposición co brote de Xove, o foco de COVID-19 detectado na comarca coruñesa de Barbanza mantense sen cambios desde este luns, momento no que descenderon a sete os casos activos -nun primeiro momento foron nove-.


Despois de investigar a máis dun centenar de persoas relacionadas con este foco, a situación parece totalmente baixo control. As persoas con PCR positiva atópanse en illamento e seguimento domiciliario, mentres que as outras investigadas, a pesar de non dar positivo, permanecen en corentena 14 días. 


ÁREAS EN DESCENSO

A situación no resto de Galicia ofrece unha imaxe moito máis alentadora. Hoxe son catro as áreas que perden casos. Vigo, Santiago de Compostela, Ourense e Ferrol teñen, desde onte, un caso activo menos. O descenso, aínda que non é pronunciado, axuda a equilibrar a subida de Lugo no último día.


Mención á parte merece a área da cidade departamental. Ferrol levaba unha semana estancada nos once casos activos e hoxe é, xunto con Pontevedra, a área menos afectada cunha decena de casos. A Coruña e Pontevedra, que onte si sufriron cambios -un caso menos a herculina; un caso máis a pontevedresa- non arroxan variacións esta xornada.


MEDIA SEMANAL

A evolución desde onte en Galicia, a pesar de ser beneficiosa cun caos menos, non termina de compensar os estragos sufridos ao longo desta semana, con tres xornadas en ascenso e aumento diario dos casos activos do 0,6% ao longo deses tres días. 


Agora ben, a media móbil semanal está aínda en valores negativos, pero vese rebaixada por baixo do -1%: -0,8% -o luns era do -1,3%-.



Isto indica que a pandemia segue perdendo terreo, a pesar das forzas que gañou esta semana cos dous rebrotes no Barbanza e A Mariña. Mentres que o primeiro parece totalmente controlado, o segundo segue reproduciendose e traendo de cabeza ás autoridades sanitarias





Segundo os datos de as notas de prensa do SERGAS, este mércores 1 de xullo o número de casos activos de coronavirus en Galicia é de 313, dos cales 70 son da área da Coruña, 52 de Lugo, 20 de Ourense, 10 de Pontevedra, 128 da área de Vigo, 23 de Santiago e 10 de Ferrol. 





Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress