A fronteira con Portugal reabre este mércores
Galicia e Portugal reabren as súas fronteiras a partir deste mércores, 1 de xullo, tras só estar operativos ata o de agora un par de pasos por Tui (Pontevedra) e Verín (Ourense).
Un responsable político portugués critica á Xunta e lémbralle que o país veciño ten mellores datos que Galicia
Galicia e Portugal reabren as súas fronteiras a partir deste mércores, 1 de xullo, tras só estar operativos ata o de agora un par de pasos por Tui (Pontevedra) e Verín (Ourense).
Precisamente, na medianoite entre este martes e mércores ten lugar un acto simbólico pola apertura da fronteira cos alcaldes de Tui, Enrique Cabaleiro, e da Cámara de Valença, Manuel Lopes.
Pola súa banda, o director do Agrupamento Europeo de Cooperación Territorial do Miño (AECT) Rio Minho, Uxío Benítez, chama a "traballar" para "restituír e normalizar as relacións entre Galicia e Portugal".
Benítez pide ao conselleiro de Sanidade, Jesús Vázquez Almuiña, que "non criminalice aos veciños de Portugal, debido a que ten mellores datos epidemiolóxicos que Galicia".
Nun comunicado, o responsable do AECT Rio Minho sostén que, "en canto a xestión, por resultados, está claro que o traballo da Xunta foi moito peor que en Portugal, que soubo anticiparse".
Escribe o teu comentario