Axentes de Policía Local e unha app para controlar o aforo das praias da Coruña

|

O Concello move ficha para evitar aglomeracións nas praias herculinas mentres outras administracións non lexislen sobre a materia


A Policía Local da Coruña controlará de forma presencial a capacidade nas praias para partir do luns, segundo informa tras a reunión que mantivo a concelleira de Medio Ambiente, Esther Fontán, co persoal técnico municipal desta concellería e coa director da área de Seguridade Cidadá do Concello, Carlos García Touriñán.


Esther Fontu00e1n, concelleira de Medio Ambiente da Coruu00f1a

Esther Fontán


O obxectivo da mesma foi "establecer un protocolo de transición sobre o uso das praias co comezo da Fase 2". Estas medidas, que se implementarán desde o luns, día 25, ata o 15 de xuño, serán provisionais "mentres non se publique un protocolo definitivo coas instrucións do Ministerio de Sanidade e da Consellería de Sanidade", explica.

Sobre as mesmas, aseguran que a intención é "non desmarcarsede as medidas hixiénicas e de protección que se indican" desde ambas as administracións.

As normas deste protocolo de transición para o uso das praias consistirán en que a Policía Local controlará de forma presencial a capacidade en todos os areais da cidade. No caso de que atopen unha praia cun número desmesurado de persoas, pecharase a entrada desta ata que se controle a situación.

USO DAS CÁMARAS
Haberá un posto principal na coraza do Orzán, desde onde se xestionará a capacidade de todas as praias urbanas da cidade. "Neste caso, os e as axentes empregarán as cámaras do paseo marítimo e a información dos axentes que van a pé para verificar que a capacidade é a correcta e que se poida garantir a distancia mínima de dous metros".

Haberá tamén unha vía única para entrar e saír dos areais. Nas praias de Riazor e de Oza delimitaranse estas vías de acceso e saída cun balado perimetral co fin de evitar a proximidade entre as persoas. Por outra banda, estará prohibido usar as duchas das praias, pero poderanse utilizar os aseos.

A caseta que habitualmente utilizaba Medio Ambiente para actividades de educación ambiental será ocupada para informar as persoas usuarias das medidas de hixiene e control que o concello poñerá en marcha.

O sistema tamén contará cunha aplicación que informará as usuarias e usuarios do estado da marea e da capacidade da praia en tempo real. Por outra banda, o Consistorio lembra que ata o luns, día 25 está prohibido tomar o sol na praia.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress