Anciá de 94 anos vence ao coronavirus no resucitado hospital do Centro Galego de Buenos Aires (vídeo)

De ser un hospital decrépito a conseguir que unha anciá de 94 anos con problemas de fígado derrote ao COVID-19. A mellora do Centro Galego de Buenos Aires é evidente.

Un corredor de aplausos despediu o luns a Sara á súa saída da zona de enfermos de coronavirus. A anciá, que sufría insuficiencia hepática xa antes de caer contaxiada, continuará recuperándose noutra área.

Todo logro para un histórico centro que parecía condenado a desaparecer. Lustros mala xestión e  conflitos alimentaron unha crise no Centro Galego de Buenos Aires que estivo a piques de acabar para sempre cunha dos lugares crave para a historia de Galicia.

A nova dirección de Ramón Suárez O Muxo logrou, tras moitísimo pelexar, un acordo co Grupo Olmos. BASEA Saúde fíxose cargo da xerencia do hospital e a cambio o Centro Gallego puido sanear as súas contas e beneficiarse da reactivación do hospital.

Parece que eses investidores privados están a investir o suficiente para que no hospital do Centro volvan funcionar  con normalida, prestando servizos abandonados como operacións en quirófanos. 

De feito, o Hospital da céntrica Rúa Belgrano acaba de ampliar 120 camas para atender a xubilados arxentinos para loitar contra a pandemia grazas a un acordo co Goberno de Arxentina. Foi, ademais, un dos primeiros centros en Arxentina en tratar casos de COVID-19.