Estas son as 1.500 parroquias de Galicia é as que xa non hai franxas horarias para saír

|

A Xunta publica unha listaxe coas entidades de poboación rural que saen hoxe do horario regulado da corentena por coronavirus, ao ter menos de 5.000 habitantes e estar en concellos de máis de 5.000 habitantes. 


Un ancián con máscara descansa no Parque Calero, no distrito de Ciudad Lineal da capital, un dos que o Concello de Madrid abriu e nos que se permite pasear e facer ejerci



Os veciños de total de 1.428 parroquias das catro provincias galegas poden saír á rúa para dar paseos e practicar actividade física sen aterse ás franxas horarias por idades que imperan para núcleos de máis de 5.000 habitantes. Este é a listaxe.


Tras o cambio de criterio na aplicación da norma por parte da Delegación do Goberno (que cinguía as restricións ao termo municipal), a Xunta elaborou a lista de localidades que se benefician da liberdade horaria aplicando como criterio delimitador a 'parroquia'.


En total, trátase de 1.428 núcleos nos que, a partir deste venres, non hai franxas horarias para saír á rúa, aínda que continúan imperando o resto de normas.

A Xunta trasladou a relación destas parroquias á Federación Galega de Municipios e Provincias (Fegamp), que horas antes demandara claridade sobre os criterios para a aplicación da norma.

OS ALCALDES PODERÁN DECIDIR
Con todo, o Executivo autonómico sinala que, a pesar da publicación desta lista, os alcaldes poderán manter as restricións en parroquias de menos de 5.000 habitantes "que non garden unha mínima separación cos centros urbanos, ao ser absorbido na práctica pola expansión urbanística".

Así mesmo, os gobernos locais tmabién poderán dedicir o levantamento das franxas horarias en núcleos que, aínda que pertenzan a parroquias de máis de 5.000 habitantes, presentan unha separación suficiente respecto ao resto da poboación.

O Executivo autonómico resalta que os alcaldes e alcaldesas son quen "mellor coñecen" os seus territorios e, por tanto, quen pode aplicar as decisións con maior eficiencia.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress