Novo premio para investigacións sobre corrupción lanzado polo Consello de Contas de Galicia

|

O ente fiscalizador das contas públicas galegas innova premiando os traballos científicos que axuden a combater a fraude de diñeiro público. O galardón leva o nome Carlos Otero Díaz, catedrático da Universidade de Santiago de Compostela e primeiro conselleiro de Economía da Xunta de Galicia


O Consello de Contas anunciou este luns a convocatoria do I Premio Carlos G. Otero Díaz, para traballos de investigación relacionados co ámbito da corrupción.


Foto curriculum JoseAntonioRedondo

José Antonio Redondo, conselleiro maior do Consello de Contas


Como órgano de control externo con competencias en materia de prevención da corrupción, o Consello ten un "gran interese en promover a investigación en materias relacionadas" con esta cuestión, así como "coñecer aquelas iniciativas de carácter científico que poidan contribuír á análise dos temas propios das súas funcións".

Unha das formas de contribuír a este obxectivo consiste en "empregar instrumentos que incentiven a elaboración de traballos relacionados coa prevención da corrupción no sector público, nas súas diversas vertentes, como son os premios de investigación", apunta o Consello.

Por iso, en setembro de 2019, a entidade creou o Premio de investigación Carlos G. Otero Díaz, para "promover a investigación en materias relacionadas coa prevención da corrupción nas administracións publicas".


REQUISITOS PARA Os PARTICIPANTES

De acordo coas súas bases, poderán concorrer ao premio os autores ou coautores de traballos de investigación que residan nalgún dos países da UE, e que poderán ter a condición de persoa física ou grupo de investigación.

Quedan excluídas aquelas persoas que tivesen a condición de membro ou persoal do Consello de Contas nos dous anos anteriores á convocatoria do premio e, en edicións posteriores, os que xa fosen recoñecidos co primeiro premio e os membros do xurado.

O prazo de presentación dos traballos comezará este martes e terminará o 31 de outubro de 2020. A decisión do xurado coñecerase o 30 de novembro.

Os galardóns, dotados cun importe global de 4.500 euros, serán repartidos con 3.000 euros para o primeiro premio e 1.500 para o segundo. Se son declarados desertos, poderanse conceder ata tres accésit de 1.000 euros cada un.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress