​O Goberno condiciona o levantamento das restricións para facer deporte ou pasear a partir do 2 de maio á baixada de contagios

|

Así o anunciou o presidente do Goberno, Pedro Sánchez, na súa comparecencia, onde tamén confirmou que a desescalada realizarase por territorios e segundo a incidencia da enfermidade. “Será unha escalada gradual se a evolución da enfermidade é positiva como ata o de agora”, afirmou o líder do executivo central.


“A desescalada debe levarnos a unha nova normalidade ata atopar unha vacina que nos protexa contra o virus”, comentou Sánchez, que tamén lembrou os cambios vividos en Europa, que pasou da reticencias dos países para axudar economicamente ás nacións máis golpeadas dos primeiros días a un principio de acordo para poder facer fronte á crise económica.


O presidente do Goberno, Pedro Sánchez, durante a comparecencia para informar sobre o Covid-19 onde anunciou que volverá pedir ao Congreso unha nova prórroga do estado de alarma, a che



O martes presentarase o plan de desescalada que dependerá de que o número de falecidos e contagios siga caendo como ata o de agora, xa que nos últimos días o conxunto do Estado rexistrou bos datos.


De seguir nesa liña descendente de contagios e decesos, a partir do 2 de maio levantarase o confinamento para poder saír a facer deporte ou pasear, algo que achegaría ao país a esa desescalada que leva preparando o Goberno desde hai semanas. Con todo, chamou á cautela e á prudencia, porque a día de hoxe “non hai ningún país que completase a desescalada cara a unha nova normalidade”. Con todo, esa desescalada será “gradual” como sinalou o presidente.


Non imos recuperar de golpe toda a actividade e mobilidade social. Imos facer por etapas”, explicou o socialista, que ademais matizou que será “asimétrica” e que dependerá “do territorio no que cada un viva”, xa que o virus transmitiuse “de forma dispar”. “Todos imos na mesma barca e chegaremos a porto se remamos todos xuntos”, salientou Sánchez. 

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress