​O Resurrection Fest espera un movemento do Goberno de España para poder aprazar o festival


|

A organización explica os motivos polos que aínda non pospuxo o evento, xa que esperan ás medidas que marquen desde Moncloa.


Aínda que desde o festival que se celebra en Viveiro o próximo xullo son sabedores da situación excepcional que atravesa España e admiten que “dadas as condicións actuais” o principal escenario que barallan é aquel en o que non se poderán celebrar eventos multitudinarios como o Resu.


1024px Resurrection Fest 2013   Trivium



Con todo, o festival mantense inalterado polo momento. “Este é un evento que implica manexar centos de contratos con bandas, provedores, patrocinadores…que non podemos romper de maneira unilateral”, afirman. “Para iso necesítase unha cláusula de forza maior, algo que só pode establecer o Goberno”, sosteñen os organizadores, que esperan que Moncloa tome unha decisión similar á que xa tomaron outros gobernos europeos.


Desde a organización agradecen a “paciencia” dos asistentes, pero remarcan o carácter independente do festival e a falta dun seguro que cubra unha crise global como esta que poida asumir as “enormes perdas” que traería consigo a suspensión do evento e que afectaría a todos os actores implicados, desde as bandas aos traballadores do festival, pasando polo efecto que tería sobre o turismo e a economía de Viveiro.



A parte positiva é que as bandas se mostran moi colaborativas á hora de reorganizar o cartel, e estamos case convencidos de que no máis que probable caso de non poder facer o festival este ano, o noso 15ª aniversario celebrarase en 2021 por todo o grande con todos os atractivos do cartel actual e moitas máis sorpresas”, conclúe a organización, que advirte que proximamente detallará que ocorrerá coas entradas, aínda que confía en que sexan válidas de fronte ao próximo ano “de forma automática” e ofrecerá reembolsos a aqueles que así o desexen.  

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE