​En Marea pide examinar aos profesionais encargados de tomar as mostras para o estudo galego do coronavirus

Desde En Marrea solicitan test para os sanitarios encargados de examinar ás persoas que compoñerán a mostra do SERGAS. Ademais, cuestionan a necesidade de poñer en marcha o estudo sen avaliar á totalidade dos profesionais que compoñen a vangarda da loita contra o coronavirus.

No primeiro día do estudo do coronavirus exposto pola Xunta xa son moitas as voces críticas coa administración autonómica. En Marea foi unha das formacións que puxo en cuestión o inicio da mostra, especialmente cando aínda hai persoal sanitario que non foi sometido ningún tipo de exame. Na mesma liña, critican a “falta de información pormenorizada e de medios” por parte da Consellería de Sanidade.

Con todo, a principal preocupación de En Marea é ao redor dos traballadores encargados de recoller as mostras aos cidadáns que compoñerán o estudo. “Desde o principio da pandemia En Marea destacou a necesidade de facer test ao persoal que traballa en primeira liña. Parado un mes, eses test seguen sen facerse a moito persoal sanitario, o que é un factor de risco de aumento de contagios e demostra o deprecio que novamente Sanidade manifesta cara ao persoal sanitario”, criticou Davide Rodríguez.

Por todo isto, desde a formación piden que se avalíe o estado de saúde dos sanitarios que tomarán as mostras en domicilios e centros de saúde. Á súa vez, reclamaron máis “transparencia nos datos” ofrecidos desde o SERGAS, por exemplo unha diferenciación entra a situación que viven as residencias públicas e as privadas, e a comparecencia de Feijóo no Parlamento, no canto de “consumir minutos na televisión pública galega”.