Sánchez manda a casa a todos os traballadores "non esenciais"

"Todos os traballadores de actividades non esenciais deberán quedarse na casa, como o fan a fin de semana", asegurou Pedro Sánchez.

O presidente do Goberno explicou que os traballadores seguirán cobrando os seus salarios, e unha vez que termine a emerxencia sanitaria "os traballadores recuperasen as horas de traballo non prestadas de forma paulatina", afirmou Sánchez. 

"Aprobaremos un permiso retribuído recuperable mañá nun Consello de Ministros extraordinario que se aplicará a todos os traballadores de todas as actividades non esenciais de modo que non terán que desprazarse aos seus centros de traballo desde o luns 30 de marzo ata o xoves nove de abril", sinalou o presidente. 

"Esta medida reducirá máis a mobilidade das persoas, diminuirá o risco de contaxio e permitiranos desconxestionar as UCIs nos nosos hospitais".