O exconselleiro Dositeo Rodríguez morre por coronavirus tras unha viaxe do Imserso

|

Quen foi un dos rostros máis visibles da era Fraga e do PP de Santiago empezou a sentir síntomas despois dunha viaxe a Xirona


O exconselleiro da Xunta e exmandatario do Partido Popular Dositeo Rodríguez faleceu este venres no Complexo Hospitalario Universitario de Santiago (CHUS), onde permanecía ingresado con coronavirus desde mediados desta semana.


(I-D) A viúva de Camilo José Cela, Mariña Castaño;  o exdirector xerente da Fundación Camilo José Cela, Tomás Cavanna; o exconselleiro da Xunta de Galicia, Dositeo Rodriguez; e a filla deste, Covadonga Rodríguez, sentados no banco dos

Dositeo Rodríguez, segundo pola dereita, durante o xuízo sobre o despedimento do xerente da Fundación Cela


A morte do titular da Consellería de Presidencia entre 1990 e 1999 produciuse na mañá deste venres, xornada na que Galicia contabiliza xa 47 falecementos con COVID-19.

Rodríguez, nacido no municipio lucense de Ribas de Sil en 1935, ingresou a medidados desta semana no CHUS, onde deu positivo por coronavirus.

PUIDO PILLALO EN CATALUÑA
Segundo fontes próximas á familia, o exportavoz do PP na capital galega comezou a sentir síntomas tras regresar dunha viaxe do Imserso a Lloret de Mar (Xirona) ao que acudiu coa súa muller, que tamén permanece ingresada no CHUS diagnosticada con coronavirus.

Licenciado en Dereito e profesor mercantil, desempeñou varios cargos na administración ata que deu o paso á política, onde ocupou a Consellería de Presidencia entre 1990 e 1999 durante os primeiros gobernos do presidente galego Manuel Fraga.

Foi deputado autonómico durante seis anos e optou en varias ocasións á Alcaldía de Santiago de Compostela polo PP, formación da que foi portavoz municipal ata 2006, período no que, ademais, tamén exerceu de vicepresidente da Deputación da Coruña (entre 2003 e 2006).

Ademais, foi membro do Consello de Contas e do Padroado da Fundación Camilo José Cela. A comezos deste ano 2020, Dositeo Rodríguez foi absolto xunto coa viúva do Premio Nobel, Mariña Castaño, dun delito de malversación de fondos pola xestión da fundación en honra ao escritor nado en Iria Flavia (A Coruña).

CONDOLENCIAS
Tras coñecerse a súa morte, o presidente galego e líder do PPdeG, Alberto Núñez Feijóo, publicou unha mensaxe na súa conta de Twitter no que expresa o seu pesar pola perda de Dositeo Rodríguez.

"Sinto moito o falecemento de Dositeo Rodríguez. Un servidor público con maiúsculas, unha boa persoa e un bo amigo. Todo o noso agarimo para a súa familia. Que tristeza todo isto. Descanse en paz", di o 'tweet' de Feijóo.

Ademais do xefe do Executivo galego, foron diversas voces as que a través das redes sociais han querido mostrar as súas condolencias polo falecemento do que tamén foi patrón da Fundación Cela e membro do Consello de Contas.

Así, o Concello de Santiago, que preside Xosé Sánchez Bugallo --con quen coincidiu na súa etapa anterior como alcalde, emitiu un comunicado de prensa para expresar a súa "pesar" e as condolencias á familia do falecido, que tamén foi parlamentario na Cámara galega entre 1993 e 1999.

A estas condolencias sumáronse a familia popular empezando polo seu presidente, Alberto Núñez Feijóo, e o seu secretario xeral, Miguel Tellado; o actual presidente da Deputación da Coruña, o socialista Valentín García; a Fundación Cela; a Amtega; o que foi o seu 'rival' político e actual deputado do BNG no Congreso, Néstor Rego; o PSOE compostelán --ademais do alcalde--; e o xefe de Cardioloxía do Complexo Hospitalario Universitario de Santiago, José Ramón Juanatey, entre outros.

Tamén os socios da Agrupación industrial Tic de Galicia, que preside Antonio Rodríguez --fillo do finado--, expresou o seu pésame pola morte de Dositeo Rodríguez, falecido aos 84 anos.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress