Coronavirus: 8 mortos en Galicia, incluído un maior ao que visitou unha persoa de Madrid, que deu positivo

O COVID-19 séguese cebando coas persoas de máis idade. Polo menos dous faleceron hoxe, nos hospitais de Ourense e Monforte.  O falecido máis novo por agora en Galicia é un home de 45 anos na Coruña.

Unha muller de 93 anos que estaba ingresada no Complexo Hospitalario Universitario de Ourense (CHUO) e que tiña varias patoloxías previas é a oitava vítima mortal con coronavirus que rexistra a Comunidade galega.

Punto de recollida de mostras en test de coronavirus instalado no hospital CHUO de Ourense nunha foto do SERGAS

Diso informou as autoridades sanitarias este venres, xornada na que faleceron outras dúas persoas que permanecían ingresadas en hospitais galegos infectadas con coronavirus.

En concreto, á primeira hora da mañá coñecíase a morte de un home de 89 anos de idade que estaba ingresado no Hospital de Monforte (Lugo) e que presentaba múltiples patoloxías complexas previas. O home, era veciño do municipio lucense de Chantada e recibira recentemente unha visita dunha achegada de Madrid, que deu positivo ao virus tamén.

SEPTUAXENARIO MORTO NA CORUÑA

Tras iso transcendeu a morte doutro home, neste caso de 70 anos e tamén con varias patoloxías previas, que permanecía ingresado no Complexo Hospitalario Universitario da Coruña (Chuac).

Ademais, o xoves, coñecíase o falecemento da quinta vítima mortal, un home de 75 anos que tamén estaba ingresado no CHUAC e que presentaba varias patoloxías crónicas previas. Pola súa banda, a cuarta rexistrouse o mércores 18 de marzo, xornada na que faleceu un home de 72 anos tamén ingresado na Coruña.

Previamente, a terceira vítima mortal en Galicia foi un home de 45 anos de idade que contaba, así mesmo, con patoloxías previas e que tamén estaba ingresado no Chuac.

Antes faleceu un home de 81 anos con varias patoloxías, ingresado no Hospital Montecelo de Pontevedra, mentres que a primeira morte en Galicia foi a dunha muller de 92 anos, con múltiples patoloxías previas, que estaba ingresada no centro de Povisa, en Vigo.