Positivo por coronavirus a esposa do presidente Pedro Sánchez
As análises realizadas nas últimas horas na Moncloa ás persoas máis próximas ao presidente do goberno deron positivo no caso da súa esposa, Begoña Gómez.
Tanto Begoña Gómez, como o presidente Pedro Sánchez atópanse ben, ambos seguen na residencia oficial e seguen en todo momento as medidas de prevención establecidas polas autoridades sanitarias.
As probas diagnósticas realizadas esta semana aos membros do goberno e aos colaboradores máis próximos do presidente confirmaron ademais os positivos das ministras de Política Territorial e Función Pública, Carolina Darias, e de Igualdade, Irene Montero. Ambas se atopan no seu domicilio e o seu estado de saúde é bo.
A pesar de atoparse en corentena polo positivo da súa parella, Irene Montero, o vicepresidente Pablo Iglesias participou presencialmente no consello de ministros deste sábado, algo que xerou un malestar no goberno por saltarse este as indicacións médicas e o protocolo que debe gardar toda a contorna próxima a un infectado por coronavirus.
Escribe o teu comentario