Asociación de médicos demanda que a TVG interrompa a súa emisión periodicamente para informar sobre o coronavirus
A Asociación de Médicos Interinos de Galicia solicita que se aplique esta medida para manter informada á poboación galega.
A Asociación de Médicos Interinos de Galicia solicita que se aplique esta medida para manter informada á poboación galega.
Programa da TVG
A falta de información ou a desinformación que vén ligada á crise sanitaria provocada polo coronavirus é un dos problemas derivados do constante bombardeo de información que os medios de comunicación vémonos obrigados a xestionar nestes días de actualización constante de cifras.
Ante isto, a Asociación de Médicos Interinos de Galicia pide ao SERGAS que interveña de forma conxunta coa CRTVG para que a información de actualidade en torno ao coronavirus en Galicia, onde xa hai máis dunha vintena de pacientes diagnosticados, chegue á cidadanía de forma periódica e a través das canles oficiais e públicas da Radio Galega e a Televisión de Galicia.
“ASMIG require ao SERGAS para que interveña a compañía CRTVG e proceda a interromper a programación de forma periódica para transmitir á poboación información básica para detectar e diferenciar brotes de gripe e catarro común desta nova ameaza para a saúde pública”, comenta a asociación por medio dun comunicado.
Escribe o teu comentario