Probable primeiro caso de coronavirus en Lugo, un veciño de Foz ingresado

|

Un home está ingresado no hospital HULA de Lugo, procedente de Foz, dá positivo na primeira análise do SERGAS, a espera da ratificación desde o Ministerio. O alcalde está preocupado porque a súa familia "fai vida no pobo".


Screenshot from 2020 03 10 12 09 41


Ares atendendo hoxe á prensa


O home ingresado no Hospital Universitario Lucus Agusti (HULA) de Lugo en estudo como posible caso de coronavirus, á espera da confirmación de resultados por parte do Centro Nacional de Microbiología de Madrid, é un veciño do municipio lucense de Foz.

O xerente do Hospital Universitario Lucus Agusti, Ramón Ares, confirmou este martes que se "estuda" o caso dun home posiblemente afectado polo coronavirus, pero insistiu en que a situación "é unha situación tranquila".

"Hai un caso en estudo e a Consellería (de Sanidade) é a que informa dos casos, que non é o hospital e por respectar a lei de datos tampouco podemos dar datos de pacientes", matizou. Unicamente sinalou que o paciente se atopa "estable".

"Estamos preparados, de acordo a todos os protocolos que ten definidos o Ministerio (de Sanidade), a Consellería e a Dirección Xeral de Saúde Pública", sinalou o xerente do HULA.

CHAMAMENTO Á TRANQUILIDADE
Tamén aproveitou para transmitir "tranquilidade á poboación, coas medidas que trasladan de ter coidado, fundamentalmente, cos contactos". "Estamos a falar dunha situación que afecta a determinadas persoas en contacto con determinadas zonas, pero a situación é normal", subliñou.

"O que está a traballar é o servizo de vixilancia epidemiolóxica e o servizo de medicina preventiva, pero é a Consellería a que dá información destes casos", insistiu.

O ALCALDE, PREOCUPADO
Pola súa banda, o ex alcalde de Foz Javier Castiñeira confirmou que se trata dun veciño deste municipio "e está por valorar unha segunda impresión (sobre o positivo), pero si é certo que esa situación é complicada para o pobo".

"É unha familia que fai vida no pobo (Foz) e hai certa incerteza nese sentido. Hai que pedir calma, pero si é certo que se se nos instala na Mariña é un foco máis que complica a vida social do pobo, aínda que é certo que confiamos nas autoridades en xeral", concluíu.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress