Olalla Rodil (Lugo), Noa Presas (Ourense) e Luís Bará (Pontevedra) como cabezas de lista do BNG con Pontón (A Coruña)

|

A dirección do Bloque Nacionalista Galego (BNG) premiou o traballo parlamentario realizado na lexislatura que acaba de finalizar e situará a Olalla Rodil, Noa Presas e Luís Bará como cabezas de lista por Lugo, Ourense e Pontevedra, respectivamente.


A viceportavoz do BNG, Olalla Rodil,  en declaracións aos medios tras o adianto electoral

Olalla Rodil repite como cabeza de lista despois da súa candidatura por Lugo para o Congreso no 10-N


A súa candidata á Xunta e portavoz nacional, Ana Pontón, encabeza a candidatura pola Coruña, de maneira que os nacionalistas colocan a mulleres como primeiras nas listas de tres das catro circunscricións, algo que xa avanzara a dirixente nacionalista ao asegurar que as mulleres terían un protagonismo relevante nas candidaturas.

O Consello Nacional aprobará este sábado, 29 de febreiro, as listas coas que o BNG concorrerá á cita electoral de próximo mes de abril, sobre as que a portavoz nacional e candidata á Presidencia avanzou renovación, mocidade e experiencia.

Non en balde, os membros do actual grupo parlamentario repetirán nas candidaturas. Así, ademais dos cabeza de lista, tamén estarán Montse Prado, na candidatura de Pontevedra --de segunda--, e Xosé Luís Rivas 'Mini', na da Coruña, como número dous.

O Bloque, con todas as enquisas en contra e unha situación complicada tras as escisións de 2012, logrou situarse no Parlamento de Galicia con grupo propio e seis deputados, que agora ven premiados polo traballo realizado.




A Executiva Nacional reuniuse este mércores para deseñar a proposta de candidaturas que levará ao Consello Nacional do sábado. Esta proposta realizouse despois de oír ás asembleas de base.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress