A consellería de Mato aprobou a planta de biomasa de Greenalia, a enerxética que acaba de fichala

|

No DOG non hai nada asinado por Mato a favor de Greenalia, pero si pola súa subordinada entón, a aínda hoxe directora xeral de Calidade Ambiental, Cruz Ferreira. ADEGA denuncia que a Xunta e o PP favoreceron a a enérgetica mediante un cambio legal. O Grupo Común dá Esquerda e BNG critican as "posibles incompatibilidades". 


A asociación ecoloxista ADEGA critica a fichaxe de Beatriz Mato pola enerxética galega Greenalia. A ex-conselleira de Medio Ambiente e ex-líder do PP da Coruña é a nova directora de Desenvolvemento Corporativo e RSC nesta empresa con sede a cidade herculina.



Beatriz Mato na toma de posesiu00f3n da súa subordinada Maru00eda Cruz Ferreira, que firmu00f3 a autorizaciu00f3n ambiental para a planta de biomasa de Greenalia, nunha foto da Xunta

Mato, á esquerda, na toma de posesión da súa subordinada a directora xeral de Calidade e Avaliación Ambiental, María Cruz Ferreira Costa, quen asinou a autorización da planta de Greenalia, nunha foto difundida pola Xunta en 2016


Os ambientalistas relatan como a Xunta presuntamente favoreceu á compañía para a instalación do seu central de biomasa en Curtis. Segundo o seu relato, a solicitude inicial era inviable, pois a norma entón, aprobada polo bipartito, limitaba estas instalacións a 10 megawatios. En dous meses, a maioría do PP aprobou un cambio legal que eliminou ese límite. A continuación, a principios de 2017 a empresa presentou un novo proxecto no mesmo lugar e a mesma potencia do primeiro proxecto. 



Adega opina que "foi un dos exemplos máis claros de como unha administración lexislou a favor dos intereses empresariais (outra vez o "lobby" pasteiro-enerxético). Se unha instalación non é legal, pois se cambia a norma e listo!" Medio, cuxa titular era Mato, aprobou finalmente a planta, que pasaba  "da ilegalidade á autorización en menos de 8 meses!". 





Por agora, nin a ex-política nin a compañía responderon ás críticas recibidas. Fai un par de días, o BNG da Coruña cualificó a fichaxe de "pouco presentable".  



"No seu momento, cando anunciou a súa marcha do Concello, deséxelle a mellor das sortes na súa andaina persoal e profesional. Pero en política non chega con ser unha persoa honrada, tamén hai que parecelo", argumentou o líder nacionalista herculino Francisco Jorquera.


Jorquera destaca que a nova empregadora de Mato é "do mesmo sector e opera nun ámbito sobre o cal ela tomou decisións políticas ata moi recentemente". Hoxe ADEGA lembra que "durante a etapa de Mato como conselleira de Medio Ambiente e ata 2019, a Xunta autorizou tamén 5 parques eólicos ás distintas filiais de Greenalia, e concedeu 795,000€ en subvencións e 1.000.000€ en préstamos ás empresas do grupo".


A SUBORDINADA DE MATO ASINOU A AUTORIZACIÓN DA PLANTA DE GREENALIA

Mais alá do debate político e moral sobre as coñecidas como portas giratorias, é legal esta fichaxe?


 A norma  transparencia galega indica que os cargos públicos que renuncien ao seu posto deberán deixar dous anos de marxe ata antes de incorporarse a firmas "relacionadas con expedientes sobre os cales ditasen resolucións no exercicio do cargo". 


No Diario Oficial de Galicia non hai, aparentemente, resolucións asinadas por Mato sobre expedientes a nome de Greenalia ou do seu anterior marca, Renova Xeración. Hainas, iso si, asinadas polos seus subordinados na Consellería de Medio Ambiente.


Por exemplo, o anuncio a autorización ambiental para a planta de Teixeixo están asinadas pola directora xeral de Calidade Ambiental, María Cruz Ferreira, cando Mato era conselleira.  Ferreira chegou a ese posto con Mato de conselleira, en 2016. Hoxe segue sendo a responsable de a Dirección Xeral de Calidade Ambiental e Cambio Climático e, por tanto, unha das responsables de vixiar que a enerxética onde traballa a conselleira cumpre as normas.


A enxeñeira renunciou ao cargo de conselleira de Medio Ambiente o 26 de setembro de 2018; polo que en todo caso en setembro deste ano expiraría o prazo fixado pola norma de incompatibilidades.


COMÚN DÁ ESQUERDA INVESTIGARÁ

A polémica política xa está destada. O Grupo Común de Esquerda acaba de anunciar que "estudará posibles incompatibilidades". Desde a confluencia denúnciase ademais que "Beatriz Mato non figura no rexistro da Oficina de Incompatibilidades e Boas Prácticas, onde tería que presentar a preceptiva declaración previa, nin na listaxe de resolucións de recoñecemento do exercicio de actividade privada logo do cesamento de altos cargos da Dirección Xeral de Función Pública". 



Os rupturistas aseguran que é habitual que "cargos do PP entren en Consellos de Administración polas portas giratorias tras deixar a política". En Galicia, quizais o caso máis famoso é o de ex-conselleiro de Medio Ambiente na era Fraga, Carlos do Álamo, hoxe directivo de ENCE.













Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress