Octoxenario mata á súa muller para logo suicidarse arroxándose ao baleiro

Un home duns 80 anos matou supostamente á súa muller e acto seguido suicidouse ao tirarse pola xanela da vivenda común na Pastoriza (Lugo). De confirmarse o caso, sería o primeiro crime machista do ano en Galicia; o sexto a nivel nacional. 

En concreto, os feitos ocorreron ao redor das 20,30 horas da tarde deste sábado, segundo informan a Europa Press do 112 Galicia. Ata o lugar acudiron Urxencias Sanitarias-061, a Garda Civil e á Policía Autonómica.

Segundo informa a Delegación do Goberno para a Violencia de Xénero, este suceso investígase como un caso de violencia machista. De confirmarse como tal, sería o primeiro do 2020 en Galicia e o sexto de toda España.