O ex CEO de Inditex José María Castellano ficha por Bimba e Lola

|

O grupo téxtil ourensán, en plena expansión, dá un golpe de efecto coa fichaxe de quen fose cara visible de Novagalicia Banco e Inditex.


Bimba e Lola dá un paso máis na compañía coa constitución do seu primeiro consello de administración, que estará formado por oito membros, e que se enmarca no cumprimento do seu plan estratéxico, segundo informou nun comunicado.


Tenda de Bimba e Lola en Hong Kong


As fundadoras de márcaa Uxía e María Domínguez ocuparán os cargos de presidenta e vicepresidenta, respectivamente, mentres que José Manuel Martínez exercerá as veces de conselleiro delegado, cargo que ocupa desde novembro de 2018.

FICHA A JOSÉ MARÍA CASTELLANOS, EX DE INDITEX
O resto do consello está integrado por Jesús Domínguez, cofundador de Bimba e Lola en 2005, e Fernando Martínez, colaborador da familia Domínguez Rodríguez na súa xestión patrimonial, director de finanzas de Inmoglaciar, promotora do fondo Cerberus, e conselleiro do Grupo Prisa, como conselleiros dominicais; e Cristina Trujillo, Eva Hernando e José María Castellano, vicepresidente e conselleiro delegado de Inditex de 1997 a 2005, ex presidente de ONO e de NCG Banco, como independentes.

"Hoxe é un día especial para nós. Abrimos a compañía a un consello que incorpora perfís independentes e valiosos que nos axudarán enormemente a desenvolver a nosa estratexia, sen renunciar ao noso carácter familiar", indicou a presidenta do grupo, Uxía Domínguez.

O conselleiro delegado da firma de moda, José Manuel Martínez, sinalou que a constitución do consello "achega un valor fundamental" para a consecución dos obxectivos do plan estratéxico, "tanto no que se refire ao crecemento internacional, como para a mellora continua da xestión".

Na actualidade, a insignia de moda conta con 290 tendas que están repartidas en 17 países, das cales 168 están España e 122 no resto do mundo.

Bimba e Lola concluíu o pasado exercicio fiscal cun volume de facturación de 201,3 millóns de euros, o que representa unha subida do 11,4% en comparación cos datos do ano previo.

A marca téxtil subliñou que a actividade internacional xa representa o 28% da súa facturación total, grazas, principalmente, á súa presenza en países europeos, así como suramericanos e tamén asiáticos.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress