​Beauvue desvincúlase do Celta e inmediatamente despois ficha polo Dépor

|

O de Guadalupe consumou o cambio de camisetas que viña anunciando desde hai días.


Depor beauvue


Beauvue cambia Vigo…pola Coruña. O xogador francés abandona a disciplina do Celta de Vigo e fai realidade unha fichaxe que viña mascando desde hai días: é novo xogador do Deportivo da Coruña. Así, o de Guadalupe súmase á lista de xogadores que se desempeñaron nos dous equipos galegos e máximos rivais.  



Esta mañá consumouse a rescisión do contrato do atacante, que se despediu da afección celtiña cunha emocionante misiva. “Vou coa satisfacción de que ninguén me pode reprochar nada, sempre o dei todou”, declarou o galo.




Tras o anuncio, o Dépor deu a benvida á súa nova fichaxe, que chega a Riazor para reforzar o ataque herculino, necesitado de gol pero que coa incorporación de Beauvue, sumado ás de Çolak e Merino, goza de pólvora fresca. Con todo, a súa fichaxe pon na corda frouxa a Longo ou Santos, ambos na porta de saída.


DE VIGO A Coruña

Con esta “traizón”, Beauvue únese a unha lista de ilustres que defenderon a elástica celeste e branquiazul a partes iguais. O último en cruzar a AP-9 desde Rande dirección A Coruña (previo paso Sevilla, iso si) fora Krohn-Deli, xogador que deixou un grato recordo en Balaídos pero que non puido demostrar todo o seu talento en Riazor, onde acabou retirándose. 


Joselu, Oriol Rise, Djorovic, Antonio Núñez, Munuaga ou Pahiño son algúns dos moitos nomes que agora acompañan a Beauvue, que busca relanzar o seu fútbol á sombra da Torre de Hércules.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress