Somma adianta os Reyes en Riazor

|

Un gol do central ao comezo do segundo tempo dá a vitoria aos branquiazuis na reestrea de Fernando Vázquez.


IMG 20200105 183913


Levamos 5 días de xaneiro e 2020 xa deu máis alegrías ao deportivismo que todo o 2019, un ano para esquecer dentro da parroquia branquiazul. Co obxectivo de saír do pozo, o Deportivo da Coruña apostou o todo polo todo coa contratación de Fernando Vázquez e, de momento, o técnico galego ha respondido con vitoria o día da súa estrea. Así, grazas a un solitario gol de Somma, o Dépor sumou a súa terceira vitoria da tempada e Vázquez enpata a triunfos con Luís César e Anquela, os seus antecesores no cargo.


MÁIS RESULTADO QUE XOGO

Con todo, o partido só pódese medir desde a vitoria. Os herculinos, aínda que gozaron das mellores ocasións, foron un equipo ultradefensivo ante un peleón Numancia, que vendeu cara a derrota a pesar de estar anulado polo rochoso armazón defensivo dos galegos.


No primeiro tempo o Dépor só creou perigo por medio de Aketxe, que a balón parado e con disparos afastados puxo a proba a un sempre atento Barrio, que atallou todas as arremetidas do vasco. Con todo, unha embarullada xogada dentro da área soriana acabou coa expulsión de Gus Ledes no minuto 40, o que achandou bastante o camiño para os pupilos de Vázquez.


No segundo tempo os galegos saíron a non conformarse e lograron o seu premio a balón parado: córner botado desde a esquerda, remate que repele o cérbero numantino como boamente pode e Somma aproveita o balón solto para facer o 0-1 no minuto 53.


Co marcador a favor, ao Dépor entroulle o pánico de perder o gañado. Vázquez retocou o equipo para asegurar a resistencia defensiva da súa escuadra e nin Guillermo nin Higinio inquietaron a meta de Dani Giménez. Primeira pedra no camiño sorteada e primeiros tres puntos do ano. A salvación queda nestes momentos a catro puntos. Hai vida neste ano novo.


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress