​En Italia dan por pechada a chegada de Lobotka ao Calcio

O Nápoles farase finalmente cos servizos do centrocampista, aínda que polo momento non hai consenso sobre as formas de pago: unha cesión con opción de compra ou unha venda con bonus.

Lobotka, preto de deixar a Celta | Foto: RC Celta

O percorrido de Stanislav Lobotka no Celta de Vigo chega ao seu fin. O centrocampista eslovaco está a un paso de enrolarse nas filas do Nápoles, que leva varios cursos perseguindo a contratación do box to box celeste. Aínda que nun primeiro momento o Celta mostrouse firme nas súas pretensións económicas, parece que a postura do xogador, que nunca deixou de mandar chiscadelas ás moitas noivas que lle saían fóra de Balaídos, parece facer recapacitar á entidade olívica, que ingresará unha cantidade moi por baixo dos 50 millóns que marca a cláusula do internacional cos ‘falcóns’.

Lobotka chegará ao Calcio despois de descartar a proposta do West Ham, que tamén cortejó ao xogador celtiña. O nome de Lobotka sempre estivo ligado ao fútbol italiano e nas últimas semanas relacionouse non só co Napoles, senón tamén co AC Milan, pero parece que De Laurentiis decidiu facer caso a Marek Hamsik, un histórico do club napolitano que sempre recomendou ao mandatario a fichaxe do seu compatriota para reforzar o proxecto de Gennaro Gattuso, que acaba de remplazar a Carlo Ancelotti á fronte do banco de San Paolo.

Con todo, o que non transcendeu é o método de pago. Desde a Gazzetta dello Sport apuntan que as demandas para que Lobotka chegue a Sicilia está supeditada ao previo pago de 23 millóns de euros máis 2 en bonus. Con todo, distintos medios advirten que en ningún caso o Napoles aceptará as condicións do club galego e ofrecerá unha cesión por 3 millóns e unha compra de 17 millóns en xuño.