O Goberno de Nicolás Maduro anuncia unha fichaxe do Celta:​ Quen é Davixson Flórez?

O central venezolano apunta a ser a primeira fichaxe invernal do cadro celeste, a pesar de ser un verdadeiro descoñecido no fútbol europeo.

Flórez, na foto do anuncio do goberno venezolano

A última fichaxe do Celta de Vigo anunciouno…o goberno de Venezuela. Foi o Viceministerio de Prevención e Seguridade Cidadá foi o ente encargado de anunciar a incorporación do central vinotinto Davixson Flórez, que aínda que chega a Vigo para reforzar o filial do cadro olívico, cos seus 25 anos podería ser un xogador que acabe sumando na disciplina de Óscar García.

Pero, quen é este Flórez? O central é un defensor corpulento cun correcto xogo aéreo. Sen saír nunca de Venezuela, o defensa defende hoxe as cores do Estudantes de Caracas Sport Club, un novo club que apenas conta con 9 anos de vida na capital venezolana. Ademais do equipo de caracas, Flórez xogou no Deportivo JBL, Trujillanos e Táchira, onde non sempre logrou a continuidade desexada.

A día de hoxe o valor de mercado do xogador que marca Transfermarket é de 150.000 euros. Aínda que destro de pé, destaca por ser un central polivalente, capaz de actuar en calquera demarcación da liña defensiva, desde os laterais ata calquera dos dous eixos da zaga. Con todo, a pesar da súa progresión, aínda non chamou a atención da selección absoluta venezolana, que podería darlle unha oportunidade se logra facerse cun papel importante no Celta B.