César Adrio declarado por unanimidade do xurado culpable de asasinato e acoso á moza Ana Enjamio

Tras un longo xuízo en Vigo, o tribunal, con maioría de homes, alcanzou a unanimidade e considera probado que a súa ex-parella coseu a coiteladas á muller enxeñeira

O tribunal de xurado declarou por unanimidade a César Adrio como culpable do asasinato da moza enxeñeira Ana María Enjamio, ocorrido en Vigo na madrugada do 16 ao 17 de decembro de 2016.

Adrio gardou a calma durante todo o xuízo

O tribunal popular (formado por catro mulleres e cinco homes) considerou tamén ao acusado responsable dos delitos de acoso e vulneración da intimidade.

Así, considera probado que César Adrio, que mantivera unha relación coa vítima, non aceptou o fin da devandita relación e someteu á moza a unha fustrigación que durou meses.

Tamén considera probado que na noite do crime o acusado abordou de forma sorpresiva a Ana no seu portal e asestoulle unha trintena de coiteladas.