Feijóo é "o culpable" de que non haxa pediatras, responden varios colectivos sanitarios

O presidente xustificou o peche do Hospital de Verín primeiro alegando á súa inseguridade e despois enarborando que non había pediatras que o SERGAS puidese contratar. 


|

O presidente xustificou o peche do Hospital de Verín primeiro alegando á súa inseguridade e despois enarborando que non había pediatras que o SERGAS puidese contratar.


Colectivos en defensa da sanidade pública galega advertiron este mércores ao presidente da Xunta, Alberto Núñez Feijóo, que el é "o responsable e o culpable" de que non haxa pediatras.

Así o advertiu a responsable da área sanitaria da CIG, María Xosé Abuín, ante o conflito polo peche do paritorio do hospital comarcal de Verín (Ourense), no marco dunha rolda de prensa conxunta con representantes doutras organizacións e sindicatos ligados co ámbito sanitario.


Rolda de prensa de representantes de colectivos en defensa da sanidade pública


Xunto a Abuín, na rolda de prensa participaron o presidente da plataforma SOS Sanidade Pública, Manuel Martín; a responsable da área sanitaria de CC.OO., Emilia Lamas; Xose María Dios (da Asociación Galega para a Defensa da Sanidade Pública) e Isabel Abel, representante do colectivo de matronas galegas.

Preguntados achega da mensaxe lanzada por Feijóo este mércores en relación a que o paritorio de Verín reabriríase "en 24 horas" se se cobren as dúas prazas de pediatras que quedaran desertas e que volveron a convocarse, Martín acusou ao presidente galego de caer "na trampa e na mentira".

Abuín incidiu en que os plans de ordenación de recursos humanos impulsados pola Xunta, con Feijóo á fronte, en 2012 e 2013 propiciaron esta situación. "En pediatría xubiláronse ao redor de 100 profesionais e as prazas de MIR non chegaron a 80, ano a ano arrastraron un déficit de 20 pediatras", remarcou.

Finalmente, a responsable de CC.OO. engadiu que non se trata só da oferta de prazas e ver "se cae do ceo" algún pediatra, senón que son precisos "máis contratos estables e unhas libranzas adecuadas". "Hai que facer unha previsión adecuada", concluíu.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE