Necesítase sangue de tres tipos para os hospitais galegos

O nadal é  unha época de accidentes de tráfico, que disparan a demanda de tranfusiones, e de desprazamentos, que rebaixa o número de doazóns

A Axencia de Doazón de Órganos e Sangue (Ados) convidou aos cidadáns para participar na campaña 'Nadal 2019' e, deste xeito, "sumarse ao seu equipo", tal e como reza o lema desta iniciativa.

Segundo informou a entidade nun comunicado, nestes momentos é necesario incrementar o volume de doazóns dos tipos A Negativo, A Positivo e Cero Negativo.

ÉPOCA DE ACCIDENTES

Os períodos vacacionais, como o Nadal e as pontes festivas, lembraron, necesitan un reforzo no chamamento á participación dos cidadáns xa que, nestes períodos, pode baixar o número de doazóns, pero non sucede o mesmo coa demanda de compoñentes sanguíneos nos hospitais. Diariamente son necesarias entre 400 e 500 doazóns para garantir a cobertura.

As dez unidades móbiles de Ados visitarán ata o próximo 21 de decembro a preto de medio centenar de concellos galegos para conseguir a participación necesaria para garantir o desenvolvemento do intenso labor asistencial dos centros sanitarios galegos. Ademais, tamén hai a posibilidade de doar nos puntos fixos existentes nas sete grandes cidades galegas.