​As limitacións ao galego en educación preocupan ao Consello de Europa

|

Un Comité de Expertos do organismo europeo ha feito público un informe no que volve chamar a atención da Xunta de Galicia para que derrogue o decreto contra a lingua galega no ensino, algo que desde A Mesa pola Normalización Lingüística viron como unha proba máis de que o decreto "foi un ataque contra o galego".


Salga de espera do Sergas

A sanidade é un dos ámbitos máis golpeados polo decreto 


Con esta son xa tres as advertencias do Consello de Europa ao Goberno de Galicia con respecto ao decreto. No informe, ademais de pedir a súa derrogación, recóllense as principais obxeccións sobre a situación actual do galego en ámbitos como a saúde, a xustiza ou os medios de comunicación, así como as relacións transfronteirizas, xa sinaladas pola Mesa no informe presentado en decembro do pasado ano.


Desde o Consello de Europa instan á Xunta a "eliminar as limitacións para o ensino en galego en todos os niveis educativos, corrixir a lei para asegurar o uso do galego nos procedementos xudiciais se algunha das partes solicítao e lograr que a administración do Estado empregue o galego en Galicia". Ademais, recomenda "aumentar o uso do galego nos servizos públicos, facer públicas as avaliacións do uso do galego na educación e asegurar que as informacións de seguridade estean, tamén, sempre dispoñibles en galego".


DERROGACIÓN INMEDIATA

Apoiándose neste informe, desde A Mesa fixeron extensible a súa desconformidade co decreto, ao que tachan de atoparse "fose do marco democrático e de respecto polos dereitos fundamentais". Nesa liña expresouse o seu presidente, Marcos Maceira, que afirmou que a mensaxe do Consello de Europa reafirma que o decreto de 2010 "foi un ataque contra o galego e contra a Carta Europea das Linguas" e volveu pedir a súa derrogación inmediata.


"O que levamos 10 anos dicindo en Galicia repítenllo por terceira vez desde o Consello de Europa: Galicia está en emerxencia lingüística e a Xunta ten a responsabilidade de solucionar a situación", recalcou Maceira, advertindo que a plataforma leva moito tempo poñendo o foco sobre as dificultades que se atopan os galegofalantes en, por exemplo, o SERGAS.


"Só o fanatismo e o odio ao galego explican que Feijóo e o Partido Popular non sintan a máis mínima vergoña ante o terceiro informe negativo que  reciben e manteñan a súa postura", lamentou o presidente da Mesa, que lembrou unha vez máis que o papel do mandatario autonómico é "defender os intereses e necesidades de Galicia, e a lingua é unha necesidade".


O ESTADO CULPABLE

A continuación, desde A Mesa tamén sinalan ao Goberno de España como culpable desta situación por non asegurar o galego nos procesos xudiciais e pide ao futuro goberno que "elimine" as restricións ao uso das linguas. 

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress