(VÍDEO) Detido por entregarlle á policía un can morto nunha bolsa

Un home de 51 anos foi detido e imputado por un delito de malos tratos animais pola Policía Nacional no municipio pontevedrés de Ponteareas, na parroquia de Oliveira, tras entregar a un can morto dentro dunha bolsa.

Así o explicou a Asociación Animalista Libera nun comunicado este sábado no que ademais critican "a falta de interese" da Xunta por castigar a persoas que, presuntamente, cometesen "actos de recoñecida crueldade" contra os animais.

O can falecera o pasado 22 de novembro por inanición no municipio de Ribeira (A Coruña) e as súas "últimas horas de vida" foran gravadas por unha voluntaria da asociación Rueiros Barbanza. No vídeo aparecía o animal "practicamente sen pelame, incapaz de levantarse e parecía ensanguentado, todo atado a unha cadea no patio", segundo denuncia Libera.

Morreu encadeado a finais de Novembro nunha aldea de Ribeira case á vez que o terrible caso de #Alma.

O suxeito entregou á .@policia o cadaver do can dentro dunha bolsa de plástico.

Á @Xunta de Galicia nin lla espera, unha vez máis... pic.twitter.com/apqiHXqQep

— Rubén Pérez (@ruben_prz) December 6, 2019

Por mor de sucesos como este ou o ocorrido en Chantada (Lugo), onde un cazador recoñeceu disparar a unha cadela presumiblemente abandonada, os animalistas reclaman que a administración pública debería acudirse como 'acusación popular' en procesos xudiciais, pero sinalan que nestes casos "non parece que se vaia a cumprir".