​(VÍDEO) O Nadal de Vigo xa ten canción oficial...e canción "cachonda"

|

O tema 'Vigo é Nadal' do artista galego Guillermo Castro será a banda sonora de Vigo encarga de promocionar as festas na cidade olívica e a iluminación. Con todo, ao tema "oficial" saíulle un duro competidor: 'A nora de Abel Caballero' de Fillos do Estramonio, ademais de ser en galego, é un pouco máis pegadiza que o himno do nadal vigués.


CANCIÓN DE GUILLERMO CASTRO

O cantautor vigués, en unha produción de Quela Records e Félix Cabreiro, viaxa 30 anos no tempo para contar a historia dunha familia que, como tantas outras en Vigo, ilusiónanse coa chegada do Nadal a Vigo e coa iluminación das luces.



A ritmo de pop, o tema convídanos a visitar a cidade, á que fai constantes referencias ao longo da canción nomeado os lugares máis emblemáticos de Vigo, e lémbranos a importancia de reencontrarnos cos nosos seres queridos nestas datas e da capital do Nadal en Galicia e España.


CANCIÓN DE FILLOS DE ESTRAMONIO

Pero Fillos do Estramonio deixa de lado os acordes do Nadal e atrévese a versionar a canción 'Gloria' de Umberto Tozzi, sen dúbida o tema máis versionado do músico italiano. A versión apócrifa do nadal vigués é un pouco máis vándala e pegadiza, centrando a letra da canción -integramente en galego- na nora de 62 metros de alto que se converterá na principal atracción turística da cidade.




"A nora xa chejou a Vigho / se queres subir nela pon roupa de abrigho", recomendan desde Fillos do Estramonio, que tampouco escatiman en referencias á xeografía galega e ás palabras de Abel Caballero, que aseguraba que desde o alto da atracción podíanse ver "Redondela, Rande e ata Nova York". "Nora, unha atracción de feira  / pero no canto da Camela escoitarás muiñeiras" ou "Dende ou Pico Sacro ata ou alto dous Ancares / verase a Nora" son outras das perlas que deixa a outra canción deste grupo afeito a reescribir algúns dos temas máis famosos do panorama musical e darlle o seu toque persoal.   



Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress