"Move máis xente o Nadal de Vigo que o Camiño de Santiago" presume Caballero ao presentar a 'rúa Frozen'
Que Frozen é un fenómeno de masas e que o próxima estrea da segunda parte será un acontecemento mundial é algo que só poden ignorar aqueles que non conviven con nenos. Vigo aprovéitase do seu tirón para promocionar a súa polémica iluminación do Nadal e o seu alcalde, de paso, para alimentar a guerra que mantén coa Xunta, agora co pretexto do Xacobeo.
O alcalde de Vigo, Abel Caballero, presentou este venres un acordo alcanzado entre o Concello olívico e The Walt Disney Company Iberia, de maneira que a multinacional converterá a rúa Progreso na "Rúa Frozen", con motivo da estrea da segunda parte desta taquillera película de animación.
Caballero acendendo as luces de Nadal o ano pasado
Nunha rolda de prensa, o rexedor, quen asegurou que o Nadal vigués "move máis xente que o Camiño de Santiago", avanzou que Disney encargarase da iluminación e animación desa rúa, e que Vigo acollerá a preestrea nacional de Frozen 2, o 20 de novembro nos cinemas de Praza Elíptica (ao que se poderá acudir con invitación). Ademais, o 21 de decembro haberá un pase especial para colectivos sociais de atención a "nenos desfavorecidos".
UNHA RÚA PARA A PELÍCULA DE ELSA E ANA
Abel Caballero, matizou que o convenio con Disney ten coste económico "cero" para o Concello e explicou tamén que o aceso inaugural da Rúa Frozen será o sábado 23 de novembro, unha hora despois de que se realice o acto de aceso en Pórtaa do Sol.
COMPARACIÓN CO CAMIÑO DE SANTIAGO
Durante a rolda de prensa, o rexedor olívico ha volto a poñer en valor a repercusión da campaña do Nadal da cidade, e sinalou que "move máis xente o Nadal de Vigo que o Camiño de Santiago", tal e como, afirmou, comentoulle nas últimas horas o presidente de Cantabria, Miguel Ángel Revilla.
O alcalde de Vigo afirmou, como exemplo do éxito da iluminación e a animación, que só desde a localidade cántabra de Torrelavega, viaxarán 6 autobuses cheos de xente que visitarán a cidade, e que chegarán turistas doutros moitos lugares, entre eles, dous autocares desde Pinto (Madrid).
Escribe o teu comentario