(VÍDEO) Un tornado azouta Arteixo e derruba árbores e cables da iluminación

|

Un tornado rexistrado na mañá deste xoves, xornada na que está activada a alerta laranxa por fortes ventos, provocou a caída de diversas árbores e cables da iluminación pública no municipio coruñés de Arteixo.


Ordes desfeitas

O temporal que azouta Galicia provocou moitos desfeitas | Foto: @Pablo_GR22


Segundo informaron a Europa Press os bombeiros da localidade, o tornado iniciouse nas inmediacións da autovía AG-55, ao seu paso pola parroquia de Paiosaco, e avanzou ata a AC-552, onde provocou cortes de tráfico pola caída de árbores.

Ademais de varias árbores, o tornado tamén provocou a caída de cables da iluminación pública no lugar de Santaia de Arriba, tamén en Arteixo, sen que se rexistrasen danos persoais.


O CIAE 112 Galicia informou de que recibiu o aviso sobre as 11,45 horas, tras o que mobilizou á Policía Local, a Protección Civil de Arteixo e aos Bombeiros de Arteixo.

OUTRAS INCIDENCIAS

Por outra banda, un refacho de vento esnaquizou un alpendre, un hórreo e o muro dunha casa no lugar da Senra, en Ordes, sen que houbese que lamentar danos persoais.

O CIAE 112 explicou que este suceso ocorreu sobre as 11,20 horas e puxo a situación en coñecemento dos Bombeiros de Ordes e da Policía Local.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress