Pesar en Burela polo falecemento dun alumno no IES Monte Castelo

Un menor que acudía a clase ao IES Monte Castelo de Burela, na provincia de Lugo, faleceu na mañá deste luns tras sentirse indisposto cando estaba no patio do centro.

Uno dos accesos ao centro

O mozo dirixíase cara ao centro para asistir ás clases á primeira hora, xusto antes de entrar ás 8,30 horas. Antes de entrar no inmoble, o menor esborrallouse de forma repentina no patio.

Ata o lugar mobilizouse unha ambulancia do 061, que estivo a tratar de reanimalo durante preto dunha hora. Posteriormente, o mozo foi trasladado a un centro sanitario, aínda que finalmente faleceu.

O 112 tamén tivo constancia da alerta sobre as 12,40 horas e deu aviso ao Grupo de Intervención Psicolóxica en Catástrofes e Emerxencias, para prestar atención con motivo do falecemento do menor.

Aínda que de momento descoñécense as causas concretas da morte, fontes consultadas apuntaron a unha parada cardiorespiratoria.