Así quedou o casco do policía vigués ferido en Cataluña, que segue na UCI pero mellora

|

Mentres moitos dos seus compañeiros xa están na casa, dous axentes galegos seguen convalecentes en Barcelona. Ao que lle partiron o radio volverá a Coruña mañá. O máis grave, o membro da UIP de Vigo, segue na UCI pero mellora tras sufrir esmagamento de vértebras. Onte fórono a visitar os Mossos.


Axente de Policía Nacional galego ferido en disturbios nas rúas en Cataluña.O antidisturbio coruñés recibiu a visita dos seus compañeiros da Brigada Móbil dos Mossos que lle entregaron unha camiseta


O axente de Policía da VIII división da Unidade de Intervención Policial (UIP) da Comisaría de Vigo Iván A.F., que resultou ferido grave o pasado venres 18 nos disturbios de Barcelona, segue na UCI "recuperándose satisfactoriamente" das súas lesións, segundo informou o Sindicato Unificado de Policía (SUP).

Este axente da Comisaría viguesa sufriu un traumatismo cranioencefálico polo impacto dun obxecto contundente, que chegou a atravesar o seu casco protector. Ademais, o seu estado agravouse con complicacións pulmonares.


Asu00ed quedu00f3 o casco do antidisturbio galego que sufriu00f3 traumatismo cranoencefu00e1lico durante os disturbios de Barcelona

Así quedou o casco do antidisturbio vigués que sufriu traumatismo cranoencefálico durante os disturbios de Barcelona


O OUTRO FERIDO VOLVERÁ A CASA MAÑÁ
Mentres, outro axente, da UIP con base na Coruña, resultou tamén ferido de consideración o pasado venres. No seu caso, acabou con lesións no brazo dereito, das que foi intervido este luns. A este funcionario colocáronlle unha placa e seis parafusos.

Segundo apuntou o SUP, está previsto que reciba o alta este venres e chegue á comisaría de Lonzas, na Coruña, este sábado sobre as 17,00 horas.

O Sindicato Unificado de Policía reclama condecoracións para os efectivos policiais que participaron na denominada 'Operación Ícaro' en Cataluña con motivo das mobilizacións de cidadáns na rúa, que derivaron en casos en enfrontamentos con axentes policiais, tras coñecerse a sentenza do 'xuízo do procés'.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress