Anulado despedimento dunha traballadora con lumbalxia por "cargar ela soa con pacientes" en ambulancias do 061, informa CIG
De acordo á vesión do principal sindicato do sector, tras coller unha baixa e comprobarse que coa súa lumbalxia non podía cargar ela soa cos enfermos, foi despedida no canto de buscar unha solución alternativa.A condena obriga á empresa castelá a pagarlle máis de 6.200 euros por danos morais a demais dos salarios que lle corresponderían desde 2017.Por agora, nin o SERGAS nin Ambuibérica valoraron a sentenza.
O sindicato CIG informa que a Xustiza obriga a readmitir a unha traballadora de Ambuibérica. Trátase dunha das maiores empresas de ambulancias do país e unha das principais subcontratas do 061 da Xunta.
En concreto, trátase dunha operaria da comarca do Barbanza que "sufriu varios accidentes laborais derivados de cargar ela soa con pacientes". De acordo á vesión do principal sindicato do sector, tras coller unha baixa e comprobarse que coa súa lumbalxia non podía cargar ela soa cos enfermos, foi despedida no canto de buscar unha solución alternativa.
A condena obriga á empresa castelá a pagarlle máis de 6.200 euros por danos morais a demais dos salarios que lle corresponderían desde 2017.
Por agora, nin o SERGAS nin Ambuibérica valoraron a sentenza.
Escribe o teu comentario