Outubro de Tinta para plasmar palabras en galego

|

Un grupo de profesores de colexios e institutos inspiráronse na idea de 'Inktober', que desafía a debuxantes a crear imaxes baseadas en palabras en inglés, para promover unha iniciativa que fomente o galego á vez que unha alternativa educativa.



Outubro de Tinta, a iniciativa de Galiza Visual coa Real Academia Galega


Así, o 'Inktober' atopa a súa versión galega no 'Outubro de tinta', unha "oportunidade para profundar no pensamento visual, un concepto que comprende diversas técnicas para a expresión de imaxes da información con propósitos pedagóxicos", explica a Real Academia Galega (RAG) este venres.

Esta institución tamén colabora coa iniciativa xa que o grupo docente, Galiza Visual, tomou como fonte de inspiración 'Palabra do Día', a web de divulgación e modernización do léxico galego que dirixe a RAG.

"Esta experiencia permite expresar a creatividade de cada un, pero é tamén unha estratexia lingüística para dar atención á diversidade, porque achega conceptos máis ou menos coñecidos co gancho que ofrece o compoñente visual", explica unha das oito docentes que forma o grupo, Diana Pastoriza.

As fórmulas para participar no 'Outubro de Tinta' son diversas, tanto co debuxo, mapas conceptuais ou visuais ou mesmo incorporando a expresión oral.

Outra das implicadas Olga Patiño, apunta a que "o pensamento visual é unha ferramenta fundamental para traballar a inclusión".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress