Vertedura de xurros no Río Mendo pecha a captación de auga

O concello asegura que a contaminación non chegou a entrar na rede pero  cortou a captación, aínda que non a subministración. Mentres, o Seprona da Garda Civil está a investigar.

Unha vertedura no río Mendo obrigou a pechar a captación de auga destinada ao abastecemento de Cesuras no concello de Oza-Cesuras, segundo informa o Concello.

O Mendo ao seu paso por Oza-Cesuras nunha imaxe da wikimedia

Desde o consistorio, explican que a contaminación non entrou na rede e o abastecemento está garantido debido ás reservas da propia estación e a que se está bombeando auga desde a estación da Reguera.

En concreto, foi este venres pola mañá cando a estación de tratamento de auga potable de Seixas detectou a presenza de auga contaminada no lugar da captación no río Mendo. A empresa concesionaria do servizo procedeu, entón, a pechar a entrada de auga á instalación de tratamento.

INVESTIGACIÓN EN MARCHA

Ademais, técnicos da empresa e persoal municipal desprazáronse ao lugar da captación e puideron comprobar que el auga do río presentaba unha gran turbidez e desprendía un forte cheiro a xurro.

Ante esta situación, o responsable da empresa concesionaria denuncio a situación a Seprona. Segundo indícase desde a empresa, a auga contaminada non chegou ao interior da planta polo que aseguran que a rede de abastecemento está "en perfectas condicións".