Morre unha motorista tras chocar cun autobús no Grove (Pontevedra)

Unha motorista e un autobús de xubilados chocaron este mediodía na P0-316 en Ardia, no Grove

Unha motorista de 32 anos faleceu nun accidente de tráfico rexistrado na tarde deste mércores ao chocar cun autobús na entrada do Grove (Pontevedra), cuxos ocupantes resultaron ilesos.

Segundo os datos facilitados polo 112 Galicia e a Garda Civil a Europa Press, o sinistro tivo lugar sobre as 14,00 horas no quilómetro 3,2 da estrada PO-316 ao chocar unha moto e un autobús.

Fontes da Benemérita concretaron que no autobús, dunha empresa de Badaxoz, viaxaban xubilados, que resultaron "todos ilesos" tras a colisión.

Imaxe do accidente nunha foto de @SLXE_Sanxenxo

OS SERVIZOS DE EMERXENCIAS NADA PUIDERON FACER POLA MOTORISTA

Ao lugar acudiron efectivos do GES de Sanxenxo e O Grove, así como unha ambulancia do 061, cuxo persoal sanitario realizou manobras de reanimación, pero a motorista morreu no lugar. A falecida, que conducía a motocicleta, foi identificada como unha veciña do Grove de 32 anos.

Efectivos da Garda Civil de Tráfico e da Policía Local tamén foron mobilizados para xestionar o tráfico na zona tras o sinistro.

Lamentamos profundamente a perda. https://t.co/5NyuGYG8W3

— Emerxencias O Grove (@112Grove) October 9, 2019