Apedrean a cristaleira da sede de Cidadáns en Santiago de Compostela
A sede de Cidadáns en Santiago de Compostela amenceu na mañá deste luns cun cristal roto, un acto vandálico que se suma ao sufrido no mesmo lugar a finais do pasado mes de abril.
A sede de Cidadáns en Santiago de Compostela amenceu na mañá deste luns cun cristal roto, un acto vandálico que se suma ao sufrido no mesmo lugar a finais do pasado mes de abril.
Sede da foración laranxa
Diso informa a formación laranxa nun comunicado no que, a través do seu secretario de Organización,
Laureano Bermejo, sinala que os feitos foron denunciados ante a Policía Nacional.
🛑 Así nos atopamos a sede autonómica esta mañá.
— Cs Galicia (@CsGalicia) October 7, 2019
🗣 @LaureanoBermejo “É unha pena ser vítimas dos actos vandálicos duns poucos que só o demostra a falta de respecto e sentido da democracia que teñen algúns” #NoNosCallarán #EspañaEnMarcha pic.twitter.com/UcPARGbfzt
Bermejo lamenta o sucedido e lembra que o anterior episodio de danos na súa sede da capital de Galicia produciuse durante a campaña das eleccións xerais do mes de abril.
"É unha pena ter que asistir de novo a un feito así, ser vítimas de actos vandálicos duns poucos que só demostra a falta de respecto e sentido da democracia que teñen algúns", sinalou o tamén edil de Cs en Santiago.
Así as cousas, apela a "seguir traballando con máis forza" en resposta aos que "queren calar" ao partido que lidera Albert Rivera.
"Seguiremos traballando con máis ganas e sempre en favor da defensa dos dereitos e intereses de todos os cidadáns. Estamos máis que nunca nun momento de unión e isto é un ataque de só uns poucos á democracia", aseverou Bermejo.
Escribe o teu comentario