​Adrián Ben, 'A bala de Viveiro', fai historia mundial

O atleta galego rompe todos os rexistros nacionais ao lograr o sexto posto na final mundial de 800 metros.

Ben é xa unha gran promesa do deporte nacional

Non hai distancia nin fatiga que logre derrotar o empeño de Adrián Ben Montenegro. 'A bala de Viveiro' forma xa parte da historia do atletismo español con só 21 anos despois do seu gran papel na final dos 800 metros, o primeiro en 28 anos en pugnar polo ouro. O corredor galego é o primeiro atleta nacional en alcanzar o sexto posto na proba dos 800 metros, un fito que xa quedará gravado para sempre nas páxinas deste deporte.

Nos Mundiais de Doha, que tamén pasarán á historia pero polas súas condicións extremas e polo escaso interese que espertaron entre a poboación local, Ben fixo caso omiso aos prognósticos e callou unha actuación soberbia nos 800 metros, que sen ser unha das súas probas predilectas en media distancia, é a que a que o levou á cima. Ata o de agora o de Viveiro cultivara os seus maiores logros nos 1.500 metros, onde se colgou o bronce nos europeos-sub20 de 2017.

En Doha, a pesar de quedar fóra da pelexa polas medallas desde o principio, o lucense asinou un final de carreira antolóxico. Descolgado da cabeza, o corredor do FC Barcelona batalló nos metros finais por escalar posicións, pasando da última praza ata o sexto posto cun tempo de 1:45:58, un pouquiño máis lento que nas semifinais, onde logrou a mínima olímpica, pero toda unha fazaña para un raparigo que non se pon límites. Faltan uns meses para Tokio. A pistola que anunciará a saída da cita olímpica está cargada. E unha das balas pode ser de Viveiro.