Media ducia de nenos afectados por brote de tuberculose en Lugo, que a Xunta di está controlado

|

A Xunta informa que non hai risco para a poboación pois xa está identificado o enfermo que parece ser o foco inicial do contaxio 


A área sanitaria de Lugo mantén controlado un brote de tuberculose con nove afectados, entre os que se inclúen seis nenos, tras detectar o caso inicial.


653px Chest radiograph of miliary tuberculose 2

Radiografía dun enforme de tuberculose



NENO DE DOUS ANOS AFECTADO

Así o explicaron a Europa Press fontes da xerencia sanitaria de Lugo, que concretaron que foron detectado o caso índice inicial, outros seis nenos --que non poden contaxiar a enfermidade-- e dous adultos.

As mesmas fontes relataron que tras a detección a finais de agosto de 2019 dun caso de tuberculose nun neno de dous anos, o Servizo de Pediatría do Hospital Universitario Lucus Augusti (HULA), en coordinación coa Unidade de Prevención e Control da Tuberculose (UTB) de Lugo, "iniciou o estudo dos seus contactos" seguindo o protocolo establecido polo Programa Galego de Prevención e Cotrol d Tuberculose.a


INVESTIGACIÓN DA ORIXE

No marco do protocolo de estudo de contacto dun caso de enfermidade tuberculosa nun neno, en primeiro lugar búscase o caso fonte entre os adultos, xa que os nenos pequenos non contaxian debido "á súa incapacidade de expectorar", explican, que mantiveron "un contacto estreito co enfermo".

Por mor deste estudo, diagnosticáronse máis nenos enfermos e infectados, polo que, indicaron as mesmas fontes, realizáronse "as probas necesarias a toda a comunidade de persoas que estiveron en contacto con eles", coa finalidade, destacaron as mesmas fontes sanitarias, "de atopar o caso inicial que empezou a cadea de transmisión", o cal "xa está localizado e a tratamento antituberculoso".


NUNHA FAMILIA
Por iso, aclaran as mesmas fontes sanitarias, "xa non representa un risco para a poboación". Respecto diso, indicaron que, segundo transcorra a investigación, determinarase "a conveniencia de ir ampliando ou non o estudo", en función "da aparición ou non de novos infectados/enfermos ou dalo por concluído", destacaron.

As mesmas fontes consultada, puntualizaron que se trata dun brote dentro dunha familia, porque hai un maior afectado, que se corresponde co caso inicial, e varios nenos relacionados, ademais doutros dous adultos.

A Consellería de Sanidade explica que a tuberculose, ao tratarse dunha enfermidade infecto-contaxiosa, en determinados casos require de actuacións especiais, todas coordinadas por unha unidade de referencia (UTB), ademais da que existe unha en cada un dos grandes complexos hospitalarios de Galicia.

Respecto diso, explicou que, ante a aparición dun caso de enfermidade avalíase o risco potencial de transmisión e organízase o estudo dos seus contactos, nun principio dos máis íntimos --os que conviven máis de seis horas diarias co enfermo--.


NON TODOS OS INFECTADOS SON CONTAXIOSOS

Ademais, as mesmas fontes sanitarias aclararon que se debe diferenciar, por unha banda, a enfermidade tuberculosa --persoa enferma de tuberculose e con sintomatoloxía clínica--, que pode ser contaxiosa ou non. Neste caso, aclaran que "os nenos pequenos enfermos non transmiten a enfermidade" por "a súa incapacidade de expectorar".

Doutra banda está a infección tuberculosa, en relación á persoa que tivo contacto co bacilo da tuberculose, pero que non está enferma --non ten síntomas-- e "nunca é contaxiosa". Ás persoas que dan positivo, se non existe contraindicación, se lles pauta un tratamento preventivo para evitar que desenvolvan a enfermidade no futuro.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress