​Rajoy, Felipe González e Pedro Sánchez xuntos no Foro A Toja-Vínculo Atlántico


|

Nesta primeira edición tamén está confirmada a presenza de Cristina Gallach, Alta Comisionada da Axenda 2030 en España, Rebeca Grynspan, secretaria xeral da Secretaría Xeral Iberoamericana, Pablo Isla, presidente de Inditex, Susana Malcorra, exministra de Asuntos Exteriores de Arxentina, Steve Pinker, catedrático de Harvard e Antonio Vitorino, director xeral da Organización Internacional para as Migracións da ONU.


Presentaciu00f3n I Foro A Toja Madrid

Presentación do evento


A Toja converterase do 3 ao 5 de outubro no centro de todas as miradas do mundo empresarial. Na illa pontevedresa daranse cita algunhas das personalidades máis importantes da economía mundial no primeiro Foro A Toja - Vínculo Atlántico, que se proxecta como un lugar de debate e reflexión sobre a economía e os novos retos aos que se enfrontan as empresas e o panoráma político mundial. Ademais, o evento conta coa participación non só dalgunhas das cabezas visibles das empresas máis grandes do mundo, como Pablo Isla, presidente de Inditex, senón que tamén terá a intervención de intelectuais e académicos.


Amancio López, presidente do Grupo Hotusa e promotor do Foro A Toja-Vínculo Atlántico e Josep Piqué, exministro do Goberno de España e presidente do encontro, foron dous dos encargados de presentar o encontro, que contará coa presenza de Mariano Rajoy, Felipe González e Pedro Sánchez, tres persoas que presidiron o Goberno de España e que servirán como principal reclamo do evento, que terá lugar no Eurostars Gran Hotel A Toja.


Ademais, o encontro contará tamén coa participación de Cristina Gallach, Alta Comisionada da Axenda 2030 en España, Rebeca Grynspan, secretaria xeral da Secretaría Xeral Iberoamericana, Susana Malcorra, exministra de Asuntos Exteriores de Arxentina, Steve Pinker, catedrático de Harvard ou Antonio Vitorino, director xeral da Organización Internacional para as Migracións da ONU, entre outros relatores.


Amancio López e o resto da organización fixeron fincapé en que este é “un proxecto de futuro cuxo principal obxectivo é a súa consolidación no tempo”. Do mesmo xeito, os organizadores destacaron que o feito de celebrar o evento na Toja non é unha eleccion calquera. "A elección da Toja responde a que Galicia eríxese como símbolo do atlantismo: é a rexión máis atlántica de España e postúlase como nexo coa outra beira do océano. Tamén a súa proximidade con Portugal converte o foro nun encontro netamente ibérico", sinalan desde a organización. 

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE