Medio milleiro de persoas esixen "garantías de emprego" na central térmica das Pontes

Centos de persoas mobilizáronse na Coruña para esixir "garantías de emprego" para os traballadores da central térmica das Pontes, tras cinco meses de inactividade na mesma. Ademais, esixiron a "implicación" do Goberno central e da Xunta na procura de solucións ante a actual situación.

Manifestación na Coruña | Foto: Concello As Pontes

Na mobilización, máis de 500 persoas, os asistentes --entre eles persoal de empresas auxiliares e transportistas, que se desprazaron á cidade en 130 camións--, reclamaron estas solucións con pancartas e lemas coreados nunha protesta ante a Delegación do Goberno en Galicia, ante a que houbo tamén cortes de tráfico.

Nela, os representantes sindicais han feito chamamentos a que se encare un proceso de descarbonización na central "regulado e ordenado" e un cambio de modelo produtivo que inclúa "garantías para o emprego", expuxo Alberte Amado, da CIG. "A Xunta ten moito que dicir e o Goberno central ten que mollarse", engadiu, á súa vez, José Furtado, de CC.OO.

Coas traballadoras e vos traballadores do complexo termoelectrico de @Endesa nas Pontes, dende @ccoogalicia esiximos certeza a compañia e as administracións non plan de investimento comprometido. pic.twitter.com/XXncwh2Lq1

— Ramón Sarmiento (@RSarmientoCCOO) September 16, 2019

 Durante a protesta, o alcalde das Pontes, Valentín González Formoso, e os representantes sindicais reuníronse co delegado do Goberno en Galicia, Javier Losada, que lles trasladou que serán recibidos pola ministra de Transición Ecolóxica, Teresa Ribeira, a finais deste mes, segundo explicou o rexedor.

"Satisfeitos por ese pequeno obxectivo", sinalou González Formoso, quen quen cualificou de "sinsentido que a unha central que decidiu investir para adaptarse á normativa europea non se lle dea ningunha oportunidade".