(VÍDEO) A USC abre dous expedientes por novatadas nun colexio maior

A Universidade de Santiago de Compostela (USC) acordou abrir dous expedientes sancionadores por senllos casos de novatadas acontecidos nun colexio maior da capital galega ao longo desta semana, a primeira do curso universitario 2019/20.

Os casos de novatadas están a activar alertas en toda España

Segundo confirmaron a Europa Press fontes da institución, un dos expedientes procede dunha denuncia efectuada por un estudante, mentres que no outro caso foi a propia universidade quen actuou de oficio.

Ambos os episodios ocorreron no colexio maior Fonseca, situado no Campus Sur. A universidade determinará agora as sancións para aplicar aos implicados nas novatadas, que poderían ser expulsados do Servizo Universitario de Residencias.

Fuentes da USC inciden en que a institución compostelá ten unha política de "tolencia cero" coas novatadas propias do inicio de curso.

De feito, a USC conta cun protocolo de prevención destes episodios e o alumnado que se aloxa nas residencias públicas recibe ao comezo de curso unha advertencia de que este tipo de actitudes están prohibidas e poden carrexar sancións.

CASOS EN TODA ESPAÑA

Con todo, a USC non é a única universidade que se enfronta a este tipo de situacións. En Madrid a Complutense xa activou un protocolo para loitar contra as novatadas despois dun violento vídeo que está a circular por internet. 

Vin vídeos de novatadas moitas veces e parécenme unha animalada e un motivo de que a xente vaia con medo ou se bote a atrás a facer o que quere https://t.co/JqJSyrrxN5

— Vane (@Vanepr99) September 13, 2019

Hai dous alumnos expedientados e expulsados do seu colexio maior. Desde a direccion da UCM xa mostraron o seu "rexeitamento" a este tipo de casos "despreciables".