A investigación da biopsia líquida de Oncomet analiza o sangue de máis de 220 pacientes

Un total de 220 pacientes con cancro incorporáronse ata o momento no proceso de recollida de mostras de sangue para o estudo da biopsia líquida que desenvolve o Grupo de Oncoloxía Médica Traslacional do Instituto de Investigación Sanitaria de Santiago de Compostela (Oncomet).

Nun comunicado remitido aos medios, Oncomet explica que dependendo do tumor de cada enfermo tómaselle unha soa mostra ou varias ao longo do tratamento. Así, o grupo logrou analizar ata o momento 368 mostras principalmente en casos de tumores de colon, pulmón, páncreas, cabeza e pescozo, así como melanoma.

O Grupo de Oncoloxía Traslacional do Instituto de Investigación Sanitaria de Santiago, que sinalado que grazas ao éxito da súa campaña poderá estudar unhas 500 mostras, destacou que o obxectivo é validar distintas técnicas de análises de biopsia líquida.

"Actualmente as técnicas de estudo da biopsia líquida teñen moita sensibilidade e dan bos resultados para caracterizar tumores avanzados", asegura a responsable da Unidade de Biopsia Líquida, Laura Muinelo que considera que, con todo, débese mellorar esta sensibilidade para aplicalas con mellores resultados en estadios máis iniciais e seguir traballando para determinar que técnica é a máis adecuada para cada tipo de tumor.

Deste xeito, os oncólogos dos distintos centros hospitalarios son os encargados de ofrecer nas súas consultas a aqueles pacientes con determinados tumores a posibilidade de participar neste proxecto no que participan na actualidade sete centros.

SETE CENTROS COLABROADORES

En concreto, trátase do Arquitecto Marcide de Ferrol, o Complexo Hospitalario Universitario de Santiago (CHUS), o Lucus Augusti de Lugo; o Universitario da Coruña (CHUAC), o Povisa de Vigo e o Complexo Hospitalario Universitario de Pontevedra (CHOP).

Oncomet indicou que, aínda que a participación dos pacientes neste estudo non vai supoñer ningún cambio no tratamento da súa enfermidade nin ningún beneficio, si contribuirá ao avance no coñecemento e mellora destas técnicas.