Don Patricio, NAO e Ray Gelato & The Giants, novas confirmacións para as festas de San Froilán

|

As festas de San Froilán (Lugo), que se celebrarán do catro ao 12 de outubro, incluíron no seu programa de concertos actuacións de Don Patricio, NAO e Ray Gelato & the Giants. Son as últimas confirmacións dun cartel que conta con 50 actuacións musicais.


Don patricio


A concelleira de Cultura, Maite Ferreiro, anunciou que todos os concertos "abarcarán un amplo espectro de estilos dirixidos ás diferentes franxas de idade", e tamén "adaptados a distintas tendencias e gustos musicais".





Así mesmo, Ferreiro informou que Don Patricio, rapero canario con letras para público xuvenil, actuará o 11 de outubro na Praza do Seminario. O artista é coñecido por publicar os seus temas en Youtube e polas súas colaboracións con Juancho Marqués ou Lola Bunny.


Os galegos NAO tocarán o 10 de outubro na Praza de Santa María, unha actuación dentro da súa xira de despedida. Foron galardoados co premio Martín Códax de música galega na categoría de metal. Destacan, explicou o goberno local, por un "forte compromiso social".

Tamén sinalou que a banda de jazz clásico Ray Gelato & The Giants actuará o 7 de outubro na Praza de Santa María. O grupo ten varios números uno e os integrantes "son admirados por soados músicos como Paul McCartney ou Bryan Adams". 


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress