Esnaquizando coches nun garaxe, gravándoo en vídeo e subíndoo ás redes

|

Emulando aos mellores acróbatas do Marisquiño, un mozo romanés dedicouse a facer piruestas cunha bicicleta, aínda que o seu caso era de xoguete e a súa intención final non precisamente deportiva ou lúdica.


A Garda Civil investiga como presunto autor de danos materiais a un mozo de orixe romanesa e veciño de Ourense, de 25 anos de idade, e que foi identificado nun vídeo publicado en redes sociais, no que se lle ve tentando facer acrobacias cunha bicicleta infantil, e causando danos en dous coches estacionados nun garaxe comunitario de Baiona (Pontevedra).


Identificado por facer acrobacias cunha bicicleta nun garaxe de Baiona, e causar danos en dous vehículos.

Segundo informaron fontes do Instituto Armado, a investigación iniciouse por mor da denuncia dos propietarios de dous vehículos, que os estacionaban nun garaxe comunitario de Sabarís, e que llos atoparon con rascazos e abolladuras.

A Garda Civil soubo da existencia dun vídeo en redes sociais, no que se podía ver a un mozo que, utilizando unha bicicleta infantil que había nese garaxe, tentaba facer saltos acrobáticos sobre os capós de dous coches.

MÁIS DE MIL EUROS DE DANOS
Os danos causados nos vehículos, así como na propia bicicleta, que terminou coas dúas rodas rotas e o guiador torcido, ascenden a uns 1.500 euros.

Os axentes puideron, grazas ás imaxes, identificar ao presunto autor dos feitos, ao que xa han comunidado a súa condición de investigado penalmente por danos. O mozo terá que comparecer cando sexa requirido polos xulgados vigueses.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress